Bazar ertəsi, 20 Aprel 2020 17:23

Avropa Şurası "DQR"də keçirilən seçkiləri tanımır

Avropa Şurası Azərbaycanın işğal altında olan "DQR" bölgəsində keçirilən qondarma seçkilərlə bağlı mövqeyini açıqlayıb.
"Report”un xəbərinə görə, Avropa Şurası "DQR"də keçirilən qondarma seçkilər tanımır. 
Direktorluqdan vurğulanıb ki, Avropa Şurasının Nazirlər Komitəsi və Parlament Assambleyasının müvafiq qərar və sənədlərində qeyd edildiyi kimi, Avropa Şurası Azərbaycan da daxil olmaqla, bütün üzv ölkələrinin ərazi bütövlüyü və suverenliyi prinsipinə hörmətə tam sadiqliyini dəfələrlə bəyan edib.
"Avropa Şurasının prinsipial və məlum mövqeyi ondan ibarətdir ki, üzv ölkənin konstitusiya nizamına zidd və ya ondan kənar təşkil edilən istənilən seçkilərin heç bir hüquqi qüvvəsi yoxdur və hüquqi tanınmamalı və ya hesab edilməməlidir. Bu mövqe Dağlıq Qarabağda keçirilmiş son qondarma seçkilər münasibətdə də keçərlidir” - qondarma seçkilərlə bağlı Avropa Şurasının mövqeyinə dair məlumatda bildirilib.
Qeyd edilib ki, Avropa Şurası münaqişənin dinc nizamlanması istiqamətində ATƏT-in Minsk qrupunun səylərini tam şəkildə dəstəkləyir.
Oxunuş sayı 1161 dəfə
Şərh vermək üçün giriş edin
Top