Dünya Azərbaycanlılarının Qarabağa Azadlıq Hərəkatı (DAQAH) şəhidlərimizin əziz xatırəsinə sayğı əlaməti olaraq "Vətən mənə oğul desə nə dərdim" layihəsinə start verib. Bu barədə DAQAH Təşkilat Komitəsinin üzvü tanınmış ictimai xadim Jalə Cəfərova Xeberinfo.de-ə məlumat verib.

J.Cəfərovanın sözlərinə görə, layihə 1997-ci il aprelin 7-dən 10-a qədər səkkiz xüsusi təyinatlı hərbi kəşfiyyatçılarımıza və onların əzizlərinə həsr olunur: “Hər həftə bir şəhid ailəsində qonaq olacağıq. Bütün gğrüşlərimiz lentə alınacaq. Sonra bu görüşləri kitab, ya film formasında təqdim etməyi düşnürük. 2019-cu ilin aprel ayının 10-da geniş formatda növbəti anım mərasimi təşkil edəcəyik“.

J.Cəfərova ilk görüş haqqında da danışıb: “İlk qonaq olduğumuz ailə əslən Qərbi Azərbaycanın Qaraqoyunlu mahalının Krasnaselski rayonu Gölkənd sakini Dinar İbrahim oğlu Mustafayev oldu“.

(Fotolar DAGAH-ın üzvü Rahim Qədimova məxsusdu)