Kiyevdə rusiyalı jurnalist Arkadi Babçenko güllələnərək qətlə yetirilib.

xeberinfo.de bu barədə “Tass” agentliyinə istinadən xəbər verir.

Ukrayna polisinin sözçüsü Yaroslav Trakalo jurnalistin xəstəxanaya aparılarkən təcili yardım maşınında öldüyünü bildirib.

O qeyd edib ki, həkimlərin səyinə baxmayaraq jurnalistin həyatını xilas etmək mümkün olmayıb.

Sozcünün sözlərinə görə, qətl hadisəsi jurnalistin Kiyevin Dnepr rayonunda qaldığı evdə baş verib: “Həyat yoldaşı hamamdan güllə səslərinə çıxıb və ərini qan içində yerdə uzanan vəziyyətdə görüb. Bundan sonra o, təcili yardım çağırıb. Həkimlər nə qədər etsə də, onun həyatını xilas edə bilməyiblər” – deyə Trakalo əlavə edib.

Rusiya mediasının verdiyi xəbərə görə, Babçenko “Moskovski komsomolets”, “Novaya qazeta” qəzetlərinin hərbi müxbiri işləyib, “Birinci kanal”la əməkdaşlıq edib.

xeberinfo.de